☘રજા☘
હવે જ આવશે ઘૂસવાની ખ્યાલોમાં મજા,
આખરે, મેં લઇ જ લીધી શ્વાસ પાસેથી રજા
મળી મુક્તિ મને આ સંબંધોના કાયદાઓથી,
પણ મૂંઝાયો મૃત્યુ બાદ મળવાના વાયદાઓથી;
એમણે તો આપી શબને પણ અઢી અક્ષરની સજા!
આખરે, મેં....
તળેટીએ બેસીને શિખરે પહોંચવાની હતી મન્નત,
એક ડગલુંએ ન ભર્યું ને હવે કેમ મળે જન્નત ?
ભર્યા ગુનાહ છલોછલ ને નેકીઓ જ રહી કજા
આખરે, મેં....
કહે છે દરેક અહીં મને કે તું જલ્દી મરી ગયો,
પણ ખોટો એ વિચાર એમનામાં ઘર કરી ગયો
જીવે છે સોએબ જ્યાં સુધી છે લખવાની મજા
આખરે, મેં.....
-સોએબ (Soebdt)